თამარ ბარათაშვილის სახელობის ხულოს მუნიციპალიტეტის სოფელ რაქვთის საჯარო სკოლაში უცხოური ენების სწავლებას ხარისხიან სწავლებას დიდი ყურადღება ეთმობა. ამ მიზნით, მასწავლებლები მოსწავლეებს მრავალფეროვან საგანმანათლებლო აქტივობებს სთავაზობენ.
ახლახან, VIII კლასის მოსწავლეებმა თემაზე - STOP BULLING - არა ბულინგს! ინგლისურენოვანი პრეზენტაცია დამოუკიდებლად გამართეს.
მათ ინფორმაცია მოიძიეს და სასკოლო საზოგადოებას ბულინგთან ბრძოლოს ეფექტური საშუალებები გაუზიარეს.
აქტივობის მიზანი ბულინგის შესახებ ცნობიერების ამაღლება და ლექსიკური მარაგის გამდიდრება გახლდათ. მერვეკლასელები მის მიმდინარეობაში მასწავლებელ ელენე გაბედავას ხელმძღვანელობით ჩაერთნენ.
„მადლობა ჩემს მოსწავლეებს ამ საინტერესო პრეზენტაციისთვის“,- წერს პედაგოგი ელენე გაბედავა.
იხილეთ ვიდეო და ფოტო:
