გუმათის საჯარო სკოლის პირველკლასელებმა საანბანო პერიოდი საზეიმო გაკვეთილით დაიწყეს
21-10-2024
წყალტუბოს მუნიციპალიტეტის სოფელ გუმათის საჯარო სკოლაში მოსწავლეთა მოტივირებასა და განვითარებას დიდი ყურადღება ეთმობა.
ყველაზე პატარების - პირველკლასელების განწყობასა და ცოდნის გაღრმავებაზე კი პედაგოგები განსაკუთრებულად ზრუნავენ. ახლახან, I კლასში საზეიმო გაკვეთილი - „ანბანის შემობრძანება“ ჩატარდა.
მასწავლებელმა ნინო ჯიშკარიანმა, თავის პატარებთან ერთად, ანბანს „უმასპინძლა“. მოსწავლეები აქტივობებში მონდომებით ჩაერთნენ და წინასაანბანო პერიოდში შესწავლილი მასალის ცოდნა წარმოაჩინეს.
მოსწავლეებისთვის ეს დღე მართლაც დაუვიწყარ მოგონებად გადაიქცა.
იხილეთ ფოტოები:
სკოლების სიახლეები
