ქუთაისის N38 საჯარო სკოლაში სასწავლო წელი აქტიურად მიმდინარეობს. პედაგოგები და დირექცია ახალგაზრდების წარმატებულ მომავალზე, განვითარებასა და გააქტიურებაზე ზრუნავენ.
მათ შრომას რომ შედეგი გამოაქვს, ამაზე სასკოლო საზოგადოების არაერთი მიღწევა მეტყველებს.
ქუთაისის საერთაშორისო უნივერსიტეტში (KIU) საბავშვო უნივერსიტეტის წარდგენისა და წარჩინებულ მოსწავლეთა დაჯილდოების ღონისძიება გაიმართა. მასში ქუთაისის N38 საჯარო სკოლაც აქტიურად მონაწილეობდა.
დამსწრე საზოგადოებას სიტყვით მიმართეს საქართველოს განათლების, მეცნიერებისა და ახალგაზრდობის მინისტრმა - ალექსანდრე წულაძემ, საქართველოს რეგიონული განვითარებისა და ინფრასტრუქტურის მინისტრმა - ირაკლი ქარსელაძემ, KIU-ს რექტორმა, პროფესორმა - გიორგი ხუბუამ და ქუთაისის მაჟორიტარმა დეპუტატმა - ზაზა ლომინაძემ.
იხილეთ ფოტოები:
