ხელვაჩაურის მუნიციპალიტეტის სოფელ ხელვაჩაურის N1 საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა. ამ მიზნით სკოლაში, სხვადასხვა საინტერესო ღონისძიება და საგანმანათლებლო სახის აქტივობები იმართება.
ამჯერად, სკოლაში, ქართველი მწერლის - გრიგოლ ორბელიანის დაბადების დღე საინტერესო, საზეიმო გარემოში აღინიშნა.
როგორც აღნიშნავენ, ამ უნიკალური მწერლის დაბადების დღესთან დაკავშირებით, ლიტერატურული კლუბის ფარგლებში, სკოლაში, საინფორმაციო შეხვედრა ჩატარდა.
მოსწავლეებმა შეხვედრაზე მწერლის შემოქმედებასა და ცხოვრების შესახებ ისაუბრეს. ბავშვებმა მოძიებული ინფორმაციები ერთმანეთს გაუზიარეს და ცოდნა აიმაღლეს.
შეხვედრა ძალიან საინტერესო და დასამახსოვრებელი იყო იქ მყოფი თითოეული ადამიანისთვის.
აღსანიშნავია, რომ მსგავსი აქტივობები და ღონისძიებები მოსწავლეთა მრავალმხრივ განვითარებას ხელს უწყობს.
იხილეთ ფოოტები:
