ჟიული შარტავას სახელობის ქალაქ სენაკის N2 საჯარო სკოლაში მოსწავლეთა განწყობისა და მოტივაციის ამაღლებას მნიშვნელოვანი ყურადღება ექცევა. სწორედ ამიტომ, პირველკლასელებმა ანბანის სწავლა საზეიმო ვითარებაში დაიწყეს.
I ა კლასის მოსწავლეებმა პირველი ხელნაწერი „აი ია“ პედაგოგ მარინე გრიგოლიას ხელმძღვანელობით დიდი მონდომებით შეასრულეს. გაკვეთილზე მოსწავლეებმა წარმოაჩინეს წინასაანბანო პერიოდში ნასწავლი მასალა.
„პატარა ციმციმა ვარსკვლავებმა მხატვრულად წაიკითხეს ლექსები სამშობლოზე, დედაენაზე“, - გვიყვებიან სკოლაში.
გაკვეთილი სახალისო აქტივობებით იყო დატვირთული.
სკოლაში მოსწავლეებს წარმატებებს და საინტერესო სასწავლო წელს უსურვებენ.
„წარმატებები და ბევრი საინტერესო, შემოქმედებითად დატვირთულ დღეებს ვუსურვებთ ყველა პირველკლასელს და მათ მასწავლებელს!“, - აღნიშნავენ სკოლაში.
იხილეთ ვიდეო:
