თეიმურაზ ჭიტაძის სახელობის ოზურგეთის მუნიციპალიტეტის სოფელ გურიანთის საჯარო სკოლის მოსწავლეები დიდი ინტერესით ერთვებიან საგანმანათლებლო ინიციატივებში და წარმატებით ასპარეზობენ.

5-6 ოქტომბერს ოზურგეთის ტექნოპარკში გაიმართა ახალგაზრდული ჰაკათონი, რომელშიც მონაწილეობდა 15 სკოლის მოსწავლე ოზურგეთიდან.

ჰაკათონის ბოლოს, გამოვლინდა გამარჯვებული გუნდი და პროექტი - HydroSavers, რომელიც სხვა რეგიონულ გამარჯვებულებთან ერთად წარდგება NASA-ს ჟიურის წინაშე.

აღსანიშნავია, რომ გამარჯვებული გუნდის წევრია გურიანთის საჯარო სკოლის მე-10 კლასის მოსწავლე გიორგი ტოტოჩავა, როგორც სკოლაში აღნიშნავენ, ეს  გიორგის მორიგი დიდი წარმატებაა.

აღსანიშნავია ისიც, რომ ზაფხულში, ოზურგეთის ტექნოპარკში გაიმართა პროექტის - BIoChemTechSynergy, პრეზენტაცია.  ჟიურის წინაშე წარდგენილი 14 სკოლის ინოვაციურ იდეათა შორის პირველი ადგილი და სერტიფიკატი დაიმსახურა გურიანთის საჯარო სკოლის გუნდმა - „ბიო-ქიმიკოსები“, რომლის შემადგენლობაში იყო  გიორგი თანაკლასელებთან ერთად.

სკოლაში, გიორგის ულოცავენ მიღწეულ წარმატებას და წინსვლას უსურვებენ.

იხილეთ ფოტოები: