სენაკის N7 საჯარო სკოლის პედაგოგები სხვადასხვა კონკურსსა და არაფორმალური განათლების პროექტში მოსწავლეთა ჩართულობას ახალისებენ. მოსწავლეებიც აქტიურობით გამოირჩევიან. 

ახლახან, სკოლაში გაიმართა გუნდური ინტელექტუალური თამაშის - „ტვინების ბრძოლის“ შიდასასკოლო ჩემპიონატი. კონკურსში ​მონაწილეობდნენ III, IV და V კლასის მოსწავლეები.

III კლასმა წარმოადგინა გუნდები: „მერცხლები“, „არწივები“ და „ლომები“ (კლასის ხელმძღვანელი - ირინა ადამია).

IV კლასიდან იასპარეზეს გუნდებმა: „შევარდენი“ და „ვარსკვლავები“. (კლასის ხელმძღვანელი - ეკატერინე გოგია)

V კლასს წარმოადგენდნენ გუნდები: „კოლხიდა“ და „არგონავტები“ (კლასის ხელმძღვანელი - ნონა მაჭარაძე)

პაექრობა მეტად საინტერესო და დაძაბული იყო. მოსწავლეებმა წარმატებით გაართვეს თავი წამყვანის მიერ დასმულ შეკითხვებს.

I ადგილი დაიკავა V კლასის გუნდმა - „არგონავტები“;

II ადგილი დაიკავა III კლასის გუნდმა - „ლომები“;

III ადგილი გაინაწილეს III კლასის გუნდმა - „არწივები“ და IV კლასის გუნდმა - „შევარდენი“.

შიდასასკოლო ჩემპიონატს ხელმძღვანელობდა ისტორიის მასწავლებელი ჟანა ბარამია.

სკოლა წარმატებებს უსურვებს მონაწილეებს შემდგომ ეტაპზე.

იხილეთ ფოტოები: