ბაღდათის N1 საჯარო სკოლის წარჩინებული მოსწავლეები პროგრამა „ჩემი პირველი კომპიუტერის“ ფარგლებში დაჯილდოვდნენ.
საბაზო საფეხურის წარჩინებით დასრულებისთვის - ლიზი ებანოიძეს, ელენე გოგსაძესა და მარიამ მშვილდაძეს პორტაბელური კომპიუტერები გადაეცათ.
სკოლაში მოსწავლეთა წარმატება ახარებთ და დამსახურებულ ჯილდოს ულოცავენ.
„ვულოცავთ მოსწავლეებს, მათ დამრიგებელს - ელენე საყვარელიძეს, თითოეულ მასწავლებელსა და მშობლებს ამ დიდ წარმატებას! მადლობა, ქალაქ ბაღდათის რესურსცენტრის წარმომადგენლებს და ბაღდათის მუნიციპალიტეტის მერიას“,- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
