ლანჩხუთის მუნიციპალიტეტის სოფელ ნიგვზიანის საჯარო სკოლის მოსწავლეები პროგრამის - „ჩემი პირველი კომპიუტერი“ ფარგლებში კომპიუტერებით დასაჩუქრდნენ.
წარჩინებულ მოსწავლეთა დაჯილდოება 20 ოქტომბერს დაბა ურეკის კულტურის სახლში გაიმართა.
საბაზო საფეხურის წარჩინებით დამთავრებისთვის ნიგვზიანის საჯარო სკოლის მე-10 კლასის მოსწავლეებს - თორნიკე სალუქვაძესა და ლუკა კვირკველიას სახელმწიფოსგან კომპიუტერები გადაეცათ.
სკოლაში მოსწავლეთა წარმატება ახარებთ, ახალგაზრდებს უსურვებენ ასეთივე შემართებით გააგრძელონ განათლების მიღება.
„ვულოცავთ, თითოეულ მათგანს, მიღებულ ჯილდოს და შემდგომ წარმატებებს ვუსურვებთ მათ!“- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
