გეზათის საჯარო სკოლის მოსწავლეებმა ხის დარგვის საერთაშორისო დღე გარემოსდაცვითი აქტივობით აღნიშნეს
24-10-2024
აბაშის მუნიციპალიტეტის სოფელ გეზათის საჯარო სკოლაში მოსწავლეთა ეკოცნობიერების დონის ამაღლებას მნიშვნელოვანი ყურადღება ექცევა. სწორედ ამიტომ, პედაგოგთა ხელმძღვანელობით, მოსწავლეები სხვადასხვა გარემოსდაცვით აქტივობაში დიდი მონდომებით ერთვებიან.
ამჯერად, სკოლა ხის დარგვის საერთაშორისო დღის აღნიშვნას შეუერთდა. მე-4 კლასის მოსწავლეებმა შერჩეული ადგილი გაასუფთავეს და ნერგები დარგეს. მათ ასევე თემატური პოსტერი შექმნეს, სადაც შემოქმედებითი უნარები წარმოაჩინეს. ბავშვებმა კიდევ ერთხელ გააცნობიერეს რამდენად მნიშვნელოვანია გარემოს მოვლა და მოფრთხილება.
აქტივობებში ისინი დიდი მონდომებით, ინტერესითა და ხალისით იყვნენ ჩართულნი.
აღსანიშნავია, სკოლის მოსწავლეებს გარემოს მოვლასა და მოფრთხილებას დაწყებითი კლასებიდანვე ასწავლიან.
იხილეთ ფოტოები:
სკოლების სიახლეები
