თბილისის N108 საჯარო სკოლას არაერთი წარმატებული და წარჩინებული მოსწავლე ჰყავს, მათი მიღწევების უკან კი, პროფესიონალი პედაგოგები დგანან.
ამჯერად, პედაგოგი სალომე რაზმაძე ამაყია, რომ მოსწავლეებმა მისი იმედები გაამართლეს და დღეს სიხარულით ულოცავს საბაზო საფეხურის წარჩინებულ მოსწავლეებს, სწავლაში მიღწეული წარმატებისთვის დამსახურებული ჯილდოს - კომპიუტერების მოპოვებას.
მოსწავლეებს: იური ალექსანიანს, მარიამ ტოპეშაშვილს, მარიამ რატიანს, ნინი შეითნიშვილს და ნატალი ცერცვაძეს, პედაგოგი დიდი სიყვარულითა და ემოციური სიტყვებით ულოცავს მიღწევას.
„ცოდნა კაცს არ ამძიმებს და არც დაეკარგებაო“, - მე ვარ დღეს ამაყი, რომ თქვენ ჩემი მოსწავლეები/შვილები გქვიათ....თქვენს სახეზე დანახული ღიმილი მეც მაბედნიერებს, თქვენი წარმატება მეც წარმატებულად მაგრძნობინებს თავს, თქვენი ადამიანობა მეც ადამიანად მაქცევს.
მადლობა ჩვენს პირველ მასწავლებლებს ირმა ათაბეგაშვილს და ზანდა მაგრაქველიძეს - „სწავლის ძირი მწარე არის, კერწეროში გატკბილდების“. ვიცი და მჯერა, რომ თქვენც ძალიან გიხარიათ თითოეული თქვენი აღსაზრდელის წარმატება.
მადლობა ჩემს კლასში შემომსვლელ თითოეულ პედაგოგს, თქვენი დაუღალავი შრომის შედეგია ეს წარმატება.
მადლობა სკოლის დირექციას, დირექტორს ქალბატონ მაია მღვდელაძეს, ქალბატონ ნინო არობელიძეს, ქალბატონ თამარ გალეგაშვილს მუდმივი მხარდაჭერის, თანადგომის, გულისხმიერებისა და სიყვარულისათვის.
მშობლებო გილოცავთ და მუდამ გვეამაყოს ჩვენი შვილების წარმატებით.
მადლობა საქართველოს განათლების, მეცნიერებისა და ახალგაზრდობის სამინისტროს, სსიპ საგანმანათლებლო და სამეცნიერო ინფრასტრუქტურის განვითარების სააგენტოს, ქალაქ თბილისის ისანი-სამგორის საგანმანათლებლო რესურსცენტრს - წახალისება ზრდის მოტივაციას!
ჩემებო მე მჯერა თქვენი იყავით მეტად თავდაჯერებული, მიზანდასახული, წარმატებული და გულწრფელი ადამიანები! მიყვარხართ!“, - ამ სიტყვებით მიულოცა მოსწავლეებს მიღწეული წარმატება დამრიგებელმა სალომე რაზმაძემ და მადლობა გადუხადა თითოეულ ადამიანს, რომელსაც წვლილი მიუძღვის მათ სიხარულში.
იხილეთ ფოტოები:
