დაბა ლენტეხის N2 სკოლის მოსწავლეებმა სამშობლოს ერთიანობისთვის დაღუპულ გმირთა ხსოვნას პატივი მიაგეს
24-10-2024
დაბა ლენტეხის N2 საჯარო სკოლაში საქართველოს ისტორიის ხარისხიან სწავლებას დიდი ყურადღება ეთმობა.
სწორედ ამიტომ, იქ სოხუმის დაცემის დღესთან დაკავშირებით, ეროვნული დროშები დილიდან დაშვებული იყო. წუთიერი დუმილის შემდეგ, მოსწავლეებს უახლოესი წარსულის შესახებ ისტორიის მასწავლებელი - ბექნუ ლიპარტელიანი ესაუბრა.
როგორც სკოლაში გვიყვებიან, პრეზენტაციის მომზადებასა და ინფორმაციის მოძიებაში მოსწავლეებს ქართული ენისა და ლიტერატურის პედაგოგი - ანანო ბაქრაძე ეხმარებოდა. ღონისძიებას კი, სამოქალაქო განათლების პედაგოგი - ბაია ჯაჭვლიანი ხელმძღვანელობდა.
აღსანიშნავია, რომ შეხვედრა ინტერაქციულ რეჟიმში გაგრძელდა. მოსწავლეებმა სამშობლოსთვის დაღუპული გმირები გაიხსენეს და მშვიდობიანი მომავლის პერსპექტივები დასახეს.
იხილეთ ფოტოები:
სკოლების სიახლეები
