ადიგენის მუნიციპალიტეტის სოფელ ლელოვნის საჯარო სკოლაში სასწავლო პროცესი აქტიურად მიმდინარეობს. სკოლაში სხვადასხვა ინტელექტუალური და შემეცნებითი აქტივობები იმართება, რომლებშიც ბავშვები მონდომებით ერთვებიან.

ამჯერად, სკოლაში, გუნდურ-ინტელექტუალური თამაში „ტვინების ბრძოლა“ ჩატარდა.

„აღნიშნული თამაში ეფუძვნება გუნდური მუშაობისა და ლოგიკურ-ანალიტიკური მსჯელობის უნარების გამოყენებას“, - აღნიშნავენ სკოლაში.

გუნდური თამაში ჩატარდა ასაკობრივი ჯგუფების მიხედვით და მასში მონაწილეობდნენ შემდეგი კლასების მოსწავლეები:

• მე-3, მე-4 და მე-5 კლასი;
• მე-6, მე-7 და მე-8 კლასი;
• მე-9, მე-10, მე-11 და მე-12 კლასები.

თითო გუნდი დაკომპლექტდა 5 მონაწილისგან. მონაწილეებმა გუნდს სახელი დაარქვეს. ბავშვებს თითეულ შეკითხვაზე მოსაფიქრებლად 90 წამი ჰქონდათ. თამაშში გამოვლინდა გამარჯვებული გუნდები.

თამაში, როგორც სკოლაში გვეუბნებიან, მოსწავლეებისთვის საინტერესო იყო.

იხილეთ ფოტოები: