ლიის თემის N2 საჯარო სკოლის პირველ კლასში „ანბანის ზეიმი“ გაიმართა
28-10-2024
წალენჯიხის მუნიციპალიტეტის ლიის თემის N2 საჯარო სკოლის პირველკლასელებმა ანბანის სწავლა საზეიმოდ დაიწყეს.
„ანბანის ზეიმი“ პირველკლასელებს მასწავლებელმა - თამუნა სამუშიამ მოუწყო.
პირველი ასოების გაცნობა, პირველი სიტყვისა და წინადადების წაკითხვა სტუმრების თანდასწრებით, მოსწავლეებისთვის დაუვიწყარი და შთამბეჭდავი აღმოჩნდა.
„პატარებმა იას ლექსები მიუძღვნეს და ხატოვნად წარმოთქვეს“, - გვიყვებიან სკოლაში.
მათ ღია გაკვეთილზე ცოდნა და შემოქმედებითი უნარები წარმოაჩინეს.
ღია გაკვეთილს დაწყებითი კლასების კათედრის წევრები - ლანა კაკაჩია და თამილა ჭაჭუა ესწრებოდნენ.
აღსანიშნავია, რომ სკოლაში მოსწავლეთა მოტივაციის ამაღლებაზე ორიენტირებული გარემოა შექმნილი.
იხილეთ ფოტოები:
სკოლების სიახლეები
