ოზურგეთის N1 სკოლის მე-3 კლასელებმა შემოდგომის სიუხვე და მრავალფეროვნება ღონისძიებაზე წარმოადგინეს
31-10-2024
ოზურგეთის N1 საჯარო სკოლის მოსწავლეებმა შემოდგომის მშვენიერება ღონისძიებაზე - „ოქროსფერი შემოდგომა ჩვენს ეზოში“ წარმოადგინეს.
სოფელ ლიხაურში, „დოლაბის“ ეზო მესამეკლასელთა საგანმანათლებლო სივრცედ იქცა მოსწავლეები „სწავლა-კეთების“ გზით გაეცნენ იმ საქმიანობებს, რომელიც შემოდგომას ახლავს სოფელში, ამოავლეს ჩურჩხელები, დაკრიფეს ყურძენი, ბროწეული, დააბინავეს სასიმინდეში სიმინდი და ხაპი.
როგორც სკოლაში გვეუბნებიან, მსგავსი აქტივობები ხელს უწყობს მოსწავლეთა გარემოსთან და ქართულ ტრადიციებთან უფრო ღრმა კავშირს.
ღონისძიებას მასწავლებელი ნინო ცეცხლაძე-კილაძე ხელმძღვანელობდა, რომელიც მოსწავლეებს მრავალფეროვანი ღონისძიებებით ანებივრებს.
იხილეთ ვიდეო:
სკოლების სიახლეები
