ნინოწმინდის მუნიციპალიტეტის სოფელ ეშტიის N1 საჯარო სკოლაში მასშტაბური ლიტერატურული ღონისძიება მოეწყო.
20 ოქტომბერს, ნინოწმინდის მუნიციპალიტეტის სოფელ ეშტიაში, სომეხი მწერლის, საქართველოს მწერალთა კავშირის წევრის, პედაგოგის, საზოგადო მოღვაწის - ვიქტორ ჰოვსეფიანის დაბადების 77 წლისადმი მიძღვნილი ღონისძიება გაიმართა, რომელშიც მოსწავლეები მონდომებით მონაწილეობდნენ.
„ვიქტორ ჰოვსეფიანის პოეზიის დღესასწაული“, როგორც სკოლაში გვიყვებიან, 27 წელია ტარდება ნინოწმინდის მუნიციპალიტეტის სოფელ ეშტიაში.
ყოველწლიური ღონისძიება განსხვავებულია, წელს ღონისძიებაში ჩართული იყო ეშტიის თემი - ეშტიის N1, ეშტიის N2, თორიის, ყაურმის, უჩმანის სკოლები. ღონისძიებაზე საპატიო სტუმრები იყვნენ მიწვეულები - ადგილობრივი თვითმმართველობის წევრები: ნინოწმინდის მერი ანივარდ მოსოიანი, საკრებულის თავმჯდომარე ვაან აროიანი, ნინოწმინდის კულტურის, სპორტის, ახალგაზდრდობის თავმჯდომარე ლევონ ვარდანიანი, ნინოწმინდის რესურსცენტრის უფროსი დავით ზედგინიძე და თანამშრომლები, ზურაბ ჟვანიას სახელობის სახელმწიფო ადმინისტრირების სკოლის ჯავახეთის სასწავლო ცენტრების კოორდინატორი ელმირა ქსპოიანი, მუსიკალური სკოლის დირექტორი ვარდუი ფუთულიანი, სკოლების დირექტორები, მასწავლებლები, ადგილობრივი ქველმოქმედი გარიკ ზობიანი და სხვები.
ღონისძიება ორ ნაწილისგან შედგებოდა - ლიტერატურული საღამო და ვიქტორინა. პირველ ნაწილში ბავშვებმა ქართულად და სომხურად წაიკითხეს ვიქტორ ჰოვსეფიანის ლექსები, სკოლის მოსწავლეებმა იმღერეს, ნინოწმინდის მუსიკალური სკოლის მასწავლებელმა - არაქსია მკრტჩიანმა, როგორც სკოლაში გვიყვებიან, ძალიან ლამაზად შეასრულა სიმღერები.
ღონისძიების მეორე ნაწილში მოსწავლეები ვიქტორინაში მონაწილეობდნენ. ვიქტორინის თემა მწერლის საბავშვო ნაწარმოებიდან იყო არჩეული.
„ყველამ წარჩინებით წარადგინა თავისი სკოლა“, - აღნიშნავენ სკოლაში.
ღონისძიების ბოლოს ბავშვებს სიგელები და სამახსოვრო საჩუქრები გადაეცათ.
სასკოლო საზოგადოებამ ნინოწმინდის ადგილობრივ თვითმმართველობას და ასევე მოსწავლეებს თანამშრომლობისთვის მადლობა გადაუხადა.
„გვსურს მადლობა გადავუხადოთ ნინოწმინდის ადგილობრივ თვითმმართველობას, ჰოვსეფიანის ოჯახის წევრებს, სკოლების ადმინისტრაციის წევრებს, მასწავლებლებს, ნინოწმინდის რესურსცენტრის უფროსს, თითოეულ მონაწილეს, მასპინძელი სკოლის - ეშტიის N1 საჯარო სკოლის ყველა თანამშრომელსა და მოსწავლეს ნაყოფიერი თანამშრომლობისთვის, თანადგომისა და მხარდაჭერისთვის“, - აღნიშნავენ სკოლაში.
იხილეთ ფოტოები:
