სენაკის მუნიციპალიტეტის სოფელ ნოსირის საჯარო სკოლაში არაფორმალური განათლების პროექტებში მოსწავლეთა ჩართულობა წახალისებული და მხარდაჭერილია. მოსწავლეებიც აქტიურობით გამოირჩევიან, სხვადასხვა კონკურსსა თუ საგანმანათლებლო ღონისძიებაში მონაწილეობენ და წარმატებაც სახეზეა. 

ნოსირის საჯარო სკოლის მოსწავლეებმა - ზურა ზედგინიძემ (მე-8 კლასი) და ნინი ზედგინიძემ (მე-7 კლასი) „კინგსის“ ინგლისური ენის ოლიმპიადაში პირველი ხარისხის დიპლომები მოიპოვეს. 

მოსწავლეთა საგნის მასწავლებლები არიან ლინა ხუბუა და ინეზა ალანია, რომელთაც მოსწავლეთა წარმატება განსაკუთრებით ახარებთ. 

„ვულოცავთ მათ ამ წარმატებას“ - სიამაყით აღნიშნავენ სკოლაში, მოსწავლეებს ოლიმპიადაში მიღწეულ შედეგს ულოცავენ და ცოდნის ახალი მწვერვალების დაპყრობას უსურვებენ.