ალექსანდრე ლილუაშვილის სახელობის ვანის მუნიციპალიტეტის სოფელ შუაგორას საჯარო სკოლაში მასწავლებლის ეროვნული დღისადმი მიძღვნილი კვირეული მრავალფეროვანი იყო, რომელშიც სხვადასხვა კლასის მოსწავლეები იყვნენ ჩართულნი.
მათ შორის იაქტიურეს მე-7 კლასის მოსწავლეებმა. ისინი ამ დღის აღნიშვნას არ ჩამორჩნენ და პედაგოგებს განსაკუთრებულად მიულოცეს პროფესიული დღე.
მე-7 კლასში ჩატარდა კლასის საათი, რომლის ფარგლებში ბავშვებმა ნახეს ვიდეოჩანაწერები - „უცნობი ფაქტები იაკობ გოგებაშვილის შესახებ“.
მოსწავლეები, როგორც სკოლაში გვეუბნებიან, დიდი ინტერესით უსმენდნენ საზოგადოებისთვის ნაკლებად ცნობილ ისტორიებს დიდი მწერლის და პედაგოგის შესახებ.
„ვიდეოს ჩვენების შემდეგ მოსწავლეებმა არაერთი შეკითხვა დასვეს და შეაფასეს ამ დიდი მოღვაწის ცხოვრება“, - ამბობენ სკოლაში.
მასწავლებლის ეროვნული დღე ყოველი წლის 27 ოქტომბერს – ქართველი პედაგოგის, საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნება.
იხილეთ ფოტოები:
