გელა ბელაუსოვის სახელობის ჩოხატაურის მუნიციპალიტეტის სოფელ გორაბერეჟოულის საჯარო სკოლაში სასწავლო პროცესი წარმატებით მიმდინარეობს, მოტივირებული მოსწავლეები მასწავლებლების ხელმძღვანელობით აქტიურად არიან ჩართულნი საგაკვეთილო პროცესში.
აღსანიშნავია, რომ მოსწავლეებს შემართება სასწავლო წლის პირველი დღიდან მოჰყვებათ. ამ დღის მუხტი ჯერაც არ განელებულა.
სასწავლო წლის დაწყება მოსწავლეებმა, მასწავლებლებმა და მშობლებმა განახლებულ სკოლაში აღნიშნეს, რომელიც თანამედროვე სტანდარტების შესაბამისად აღიჭურვა.
მოსწავლეებს სასწავლო წელი მიულოცა სკოლის დირექტორმა ცირა ბოცვაძემ, რესურსცენტრის ხელმძღვანელმა შორენა სიხარულიძემ და მერის მოადგილე მინდია ჟღერიამ.
აღსანიშნავია, რომ საზემო ვითარებაში გადაეცათ პირველკლასელებს ბუკები, ასევე მათ სოფლის დეპუტატმა სამახსოვრო საჩუქრები დაურიგა.
„ლამაზმა და ემოციებით დატვირთულმა დღემ ჩაიარა გორაბერეჟოულის საჯარო სკოლაში“, - ასე აფასებენ სკოლაში 16 სექტემბერს.
იხილეთ ფოტოები:
