სარეკომენდაციო ესგ-ში დეტალურადაა გაწერილი ინფორმაცია არჩევითი საგნების შესახებ, რომელთა სწავლებაც „სკოლამ საკუთარი და მოსწავლეთა ინტერესის გათვალისწინებით“ უნდა შესთავაზოს ბავშვებს.
აღსანიშნავია, რომ არჩევითი საგნები ისწავლება კვირაში ორსაათიანი დატვირთვით, რაც შეეხება დამამთავრებელ კლასს, XII კლასის მეორე სემესტრში არჩევითი საგნები არ ისწავლება.
აქვე უნდა აღინიშნოს, რომ არჩევითი საგნების სწავლებისას შესაძლებელია კლასი დაკომპლექტდეს პარალელური და/ან ერთი საფეხურის სხვადასხვა კლასის მოსწავლეებისგან.
„შესაძლებლობების შემთხვევაში, სასურველია სკოლამ მოსწავლეებს შესთავაზოს არჩევითი საგნების მაქსიმალურად ფართო არჩევანი. როგორც კერძო, ისევე საჯარო სკოლებს უფლება აქვთ მოსწავლეებს შესთავაზონ ამ მუხლის მე-7 პუნქტისგან განსხვავებული არჩევითი საგანი, რომელიც პასუხობს ეროვნული სასწავლო გეგმის მიზნებს. სკოლა ასევე განსაზღვრავს, რომელ საგნობრივ ჯგუფს მიაკუთვნებს ამ არჩევით საგანს. საჯარო სკოლა ვალდებულია ამ საგნის წლიური პროგრამა შეუთანხმოს სამინისტროს“. - ნათქვამია ეროვნულ სასწავლო გეგმაში.
