წყალტუბოს მუნიციპალიტეტის სოფელ სორმონის საჯარო სკოლაში სასწავლო პროცესი აქტიურად მიმდინარეობს. პედაგოგები მოსწავლეებს საგაკვეთილო პროცესის გამრავალფეროვნებისა და მასში ჩართულობის გაზრდის მიზნით, საინტერესო აქტივობებს სთავაზობენ.
ამჯერად, სკოლაში, პლენერული აქტივობა - „იმპრესიონისტული შემოდგომა“ მოეწყო.
მოსწავლეებმა მე-19 საუკუნი მე-2 ნახევრის საფრანგეთისა და საქართველოს შორის კულტურული პარალელები განიხილეს. მათ იმსჯელეს იმ საეტაპო ცვლილებებზე, რომელიც მე-19 საუკუნის, ამ ორი ქვეყნის სახვით ხელოვნებაში მოხდა.
„შემდეგ, მოსწავლეებმა ერთი მხრივ იმპრესიონიზმით, მეორე მხრივ კი ფიროსმანით შთაგონებულებმა, უშუალო, შთაბეჭდილებებზე დაფუძნებული, შემოდგომის სპონტანური კომპოზიციები შექმნეს განსხვავებულ ტექნიკებში - ფერწერა, მცირე პლასტიკა, კოლაჟი“, - გვიყვებიან სკოლაში.
სკოლის დირექციამ, საინტერესოდ მომზადებული შემეცნებითი და შემოქმედებითი აქტივობისთვის მოსწავლეებსა და მათ ხელმძღვანელს, ხელოვნების პედაგოგ ბაია თოდუას სპეციალური დიპლომები გადასცა.
„წარმატებებს ვუსურვებთ ბაია მასწავლებელს და ჩვენ სკოლას“, - აღნიშნავენ სკოლაში.
იხილეთ ფოტოები:
