ხულოს მუნიციპალიტეტის სოფელ საციხურის საჯარო სკოლაში მასწავლებლის პროფესია დაფასებულია. ამას მოწმობს ისიც, რომ სკოლაში, მასწავლებლის ეროვნული დღე განსაკუთრებულად, საზეიმო ვითარებაში აღინიშნა.
სკოლაში, დევიზით - „მასწავლებელო, მასწავლებლობას, გმირობად გითვლის ერი!“ ღონისძიება ჩატარდა.
მოსწავლეებმა ლექსები წაიკითხეს, იმღერეს, პედაგოგებს მათ განათლებაში ჩადებული შრომისთვის მადლობა გადაუხადეს.
ღონისძიების ხელმძღვანელი ბუნებისმეტყველების მასწავლებელი ლეილა ბერიძე გახლდათ.
ეს დღე ძალიან ემოციური და დასამახსოვრებელი აღმოჩნდა იქ მყოფი თითოეული ადამიანისთვის.
მასწავლებლის ეროვნული დღე ყოველი წლის 27 ოქტომბერს – ქართველი პედაგოგის, საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნება.
იხილეთ ფოტო-ვიდეომასალა:
