ხარაგაულის მუნიციპალიტეტის სოფელ უბისის საჯარო სკოლის მოსწავლე გიორგი სახვაძე პროგრამის - „ჩემი პირველი კომპიუტერი“ ფარგლებში დაჯილდოვდა.
საბაზო საფეხურის წარჩინებით დასრულებისთვის მე-10 კლასის მოსწავლეს საჩუქრად პორტაბელური კომპიუტერი გადაეცა.
სკოლაში მოსწავლის წარმატება ახარებთ და უსურვებენ ასეთივე შემართებით გააგრძელოს სწავლა.
„ამ დიდ წარმატებას ვულოცავ მოსწავლეს, მშობლებს, უბისის საჯარო სკოლის დირექციასა და პედაგოგიურ კოლექტივს. მადლობა, თავდაუზოგავი შრომისა და ღვაწლისათვის. დიდხანს ყოფილიყავით ღირსეული თაობების აღზრდის სამსახურში და გეხაროთ მათი წარმატებით“,- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
