განძის N1 საჯარო სკოლის პირველკლასელებმა ანბანის სწავლა საზეიმოდ დაიწყეს
31-10-2024
ნინოწმინდის მუნიციპალიტეტის სოფელ განძის N1 საჯარო სკოლაში მასწავლებლები მოსწავლეთა მოტივაციისა და განწყობის ამაღლებაზე აქტიურად ზრუნავენ და შემეცნებითთან ერთად სახალისო სასწავლო პროცესს სთავაზობენ.
ახლახან, განძის N1 საჯარო სკოლის პირველკლასელებმა მშობლიური ანბანის სწავლა საზეიმო ვითარებაში დაიწყეს. ისინი პირველ ასო-ბგერას საინტერესო და მრავალფეროვანი აქტივობებით გაეცნენ.
სკოლაში „ა“ ასო-ბგერის პრეზენტაცია გაიმართა, რომელშიც მოსწავლეები დიდი მონდომებითა და ხალისით ჩაერთნენ.
ეს დღე მოსწავლეთათვის ძალიან საინტერესო და დასამახსოვრებელი იყო.
სკოლების სიახლეები
