წყალტუბოს N3 საჯარო სკოლის მე-6 კლასელებმა ლიტერატურული კომპოზიცია მიუძღვნეს ოქტომბრის მნიშვნელოვან და ძვირფას დღეებს - იაკობ გოგებაშვილის დაბადების დღესა და მასწავლებლის ეროვნულ დღეს.
როგორც სკოლაში გვიყვებიან, მოსწავლეებმა უდიდესი სიყვარული და პატივისცემა გამოხატეს დიდი მასწავლებლის - იაკობ გოგებაშვილის მიმართ, მის შემოქმედებას ხოტბა შეასხეს და წარმოადგინეს ანბანის ისტორია ფარნავაზიდან - იაკობამდე. მოეფერნენ თავიანთ პედაგოგოგებს და აღუთქვეს ღირსეული მამულიშვილობა.
„წარმატებებს ვუსურვებთ ჩვენს მოსწავლეებს“,- აღნიშნავენ სკოლაში, ახარებთ მოსწავლეთა აქტიურობა და ბავშვებს ცოდნის მწვერვალების დაპყრობას უსურვებენ.
მასწავლებლის ეროვნული დღე ყოველი წლის 27 ოქტომბერს – ქართველი პედაგოგის, საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის იაკობ გოგებაშვილის დაბადების დღეს აღინიშნება.
