ხაშურის მუნიციპალიტეტის სოფელ ნაბახტევის საჯარო სკოლის მოსწავლეები გარემოს დაცვის მნიშვნელობასა და აუცილებლობას ნათლად იაზრებენ.
სწორედ ამის დასტურია ისიც, რომ დასუფთავების მსოფლიო დღესთან დაკავშირებით, სკოლაში აქტივობები, დევიზით -„ერთი დღე ერთი ქვეყნისთვის“ გაიმართა.
პირველი, მეორე, მესამე და მე-8 კლასის მოსწავლეები აქტივობებში მონდომებით ჩაერთნენ. მათ კლასების დამრიგებლები -ეკატერინე თედეშვილი, ნათია კაპანაძე, ლელა მჭედლიძე და მაია რიჟამაძე ხელმძღვანელობდნენ. მათ სკოლის ტერიტორია და მოსახლეობის თავშეყრის ადგილები დაასუფთავეს. შემდგ კი, მოწოდება - „ნუ დაყრი ნაგავს, მოუფრთხილდი გარემოს“ თვალსაჩინო ადგილას გამოაკრეს.
„ყოველი წლის სექტემბერში აღინიშნება მსოფლიო დასუფთავების დღე/კვირეული, მასში თითქმის მთელი მსოფლიო ერთვება. ამ დღეს მსოფლიოს სხვადასხვა ქვეყნაში მოხალისეები ერთიანდებიან და დაბინძურებულ ადგილებს ასუფთავებენ“,- სწორედ ეს ინფორმაცია მიაწოდეს სკოლაში მოსწავლეებს.
იხილეთ ფოტოები:
