27 ოქტომბერს საქართველოს სკოლებში იაკობ გოგებაშვილის დაბადების დღე აღინიშნა. ამ გამორჩეულ თარიღს, ქალაქ აბაშის N1 საჯარო სკოლაში კვირეული მიეძღვნა.
მოსწავლეებმა ეს დღე ლექსებით და სიმღერებით გაალამაზებს, კვირეულის ფარგლებში არაერთი ღონისძიება თუ აქტივობა გაიმართა, მათ შორის მოეწყო მოსწავლეთა ნამუშევრების კუთხე, სადაც ბავშვების ლამაზი ნახატები გამოიფინა.
მოსწავლეებმა ქართველი პედაგოგის, საქართველოში მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის შემოქმედებას ხოტბა შეასხეს, მადლიერება გამოხატეს იმ დიდი საგანძურისთვის, რასაც „დედა ენა“ ჰქვია და რაც ამ ბუმბერაზმა ადამიანმა ქართველ ერს დაგვიტოვა.
აღსანიშნავია, რომ პედაგოგთა დახმარებით, მოსწავლეები ნათლად აცნობიერებენ იაკობ გოგებაშვილის როლს წიგნიერების განვითარებაში.
იაკობ გოგებაშვილი - საბავშვო მწერალი, პუბლიცისტი, მეცნიერული პედაგოგიკის ფუძემდებელი 1840 წლის 27 ოქტომბერს დაიბადა.
იხილეთ ფოტოები:
