27 ოქტომბერს საქართველოს სკოლებში იაკობ გოგებაშვილის დაბადების დღე და მასწავლებლის ეროვნული დღე აღინიშნა. ეს გამორჩეული თარიღი ხაშურის მუნიციპალიტეტის სოფელ ნაბახტევის საჯარო სკოლაში განსაკუთრებულად იზეიმეს. 

28 ოქტომბერს, სკოლის დაწყებითი და მე-8 კლასების მოსწავლეებმა ჩაატარეს მასწავლებლის დღისადმი მიძღვნილი ღონისძიება დევიზით - „შენი უანგარო თავდადება დაე დარჩეს ლეგენდად და არაკად“. 

ღონისძიებას უძღვებოდნენ მე-8 კლასის მოსწავლე მარიამ ფაფაკერაშვილი და ღონისძიების ორგანიზატორი მე-8 კლასის დამრიგებელი მაია რიჟამაძე.

მოსწავლეებმა მხატვრულად წაიკითხეს ლექსები, შეასრულეს სიმღერები სკოლასა და მასწავლებლებზე, გადაიღეს სამახსოვრო ფოტოსურათები.

სკოლის დირექტორმა - ელზა მაისურაძემ მადლობა გადაუხადა ღონისძიების ორგანიზატორს მე-8 კლასის დამრიგებელს - მაია რიჟამაძეს, ასევე დაწყებითი კლასების ხელმძღვანელებს -  ეკატერინე თედეშვილს (პირველი კლასი), ნათია კაპანაძეს (მე-2 კლასი), ლელა მჭედლიძეს (მე-3კლასი) და მონაწილე მოსწავლეებსა და მათ მშობლებს აქტიური ჩართულობისთვის.

იხილეთ ვიდეომასალა: