მალხაზ ბუცხრიკიძის სახელობის თერჯოლის მუნიციპალიტეტის ალისუბნის თემის N2 საჯარო სკოლის მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
საბაზო საფეხურის წარჩინებით დასრულებისთვის ნათია ბუცხრიკიძესა და სოსო კერესელიძეს პორტაბელური კომპიუტერები გადაეცათ.
მე-10 კლასის მოსწავლეთა დამრიგებელი თენგიზ ხუჯაძე გახლავთ.
სკოლაში მოსწავლეთა წარმატება ახარებთ და ახალგაზრდებს უსურვებენ ასეთივე შემართებით გააგრძელონ განათლების მიღება.
„სიყვარულით გილოცავთ მიღებულ ჯილდოს და გისურვებთ თქვენი ცოდნა და შესაძლებლობები კიდევ უფრო წარმოგეჩინოთ მომავალში. მრავალჯერ გვეამაყოს თქვენი მიღწევებით!“,- აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
