დუმასტურის საჯარო სკოლის მოსწავლეები სპორტული ინვენტარით დასაჩუქრდნენ
01-11-2024
ახმეტის მუნიციპალიტეტის სოფელ დუმასტურის საჯარო სკოლაში საინტერესო სტუმრებს უმასპინძლეს.
სკოლას ეწვია უეფას მედიაოფიცერი, ფეხბურთის ფედერაციის სტადიონების განყოფილების უფროსი მამუკა კვარაცხელია, ახმეტის რესურსცენტრის უფროსი მანანა ნადიბაიძე და ახმეტის გამგეობის წარმომადგენლები.
სკოლის დაწყებითი კლასის 1-ელი - მე-5 კლასების მოსწავლეებს გადაეცათ საჩუქრად მაისურები, სკოლას კი - ბურთები.
ჩატარდა სპორტული გამაჯანსაღებელი აქტივობები, მოსწავლეები ძალიან გახარებული, გახალისებული და მოტივირებული დარჩნენ.
სკოლაში მადლობას უხდიან სტუმრებს საინტერესო და დასამახსოვრებელი ვიზიტისთვის.
„მადლობა ამ დიდი დღისთვის პროექტის ორგანიზატორებს... მამუკა კვარაცხელიას - ასე ლამაზად დაგვირგვინდა დღევანდელი დღე“, - აღნიშნავენ სკოლაში.
იხილეთ ფოტოები:
სკოლების სიახლეები
