„ეცადე, ისარგებლო საკუთარი ჭკუით“ - საინტერესო შემაჯამებელი გაკვეთილი ტობანიერის საჯარო სკოლის მე-7 კლასში
01-11-2024
ვანის მუნიციპალიტეტის სოფელ ტობანიერის საჯარო სკოლის პროფესიონალი პედაგოგების დამსახურებით, მოსწავლეებისთბის საგაკვეთილო პროცესი ძალიან საინტერესო, დასამახსოვრებელი და შემეცნებითია.
მე-7 კლასში ქართული ენისა და ლიტერატურის გაკვეთილი საინტერესოდ წარიმართა, ბავშვები გაეცნენ გამოჩენილი ადამიანების ნაფიქრ-ნააზრევს სწავლა-განათლებასთან დაკავშირებით.
შემაჯამებელ გაკვეთილზე, მოსწავლეებმა შესწავლილი და მოძიებული მასალიდან შეაგროვეს ფრთიანი გამონათქვამები და დაამზადეს პოსტერები თემაზე - „ეცადე, ისარგებლო საკუთარი ჭკუით“.
აღსანიშნავია, რომ ბავშვები დიდი ინტერესით და გულისყურით მოეკიდნენ დავალებას და აღნიშნეს, რომ ძალიან საინტერესო იყო ამ თემაზე მუშაობა.
გაკვეთილს მასწავლებელი შორენა ოჩხიკიძე ხელმძღვანელობდა.
იხილეთ ფოტოები:
სკოლების სიახლეები
