„კლასს მიღმაც ჩემი სკოლაა“ - აღაიანის საჯარო სკოლის მოსწავლეები საინტერესო პროექტზე მუშაობენ
04-11-2024
კასპის მუნიციპალიტეტის სოფელ აღაიანის საჯარო სკოლაში მოტივირებული და მიზანდასახული მოსწავლეები სწავლობენ.
ახლახან, სამოქალაქო განათლების კლუბმა - „თხოთი“ და მე-9 კლასმა, თვითმმართველობის პროექტის ფარგლებში, პროექტზე - „კლასს მიღმაც ჩემი სკოლაა“ მუშაობა დაიწყეს.
პროექტი სკოლის გარე სივრცეში ევროპის კუთხის მოწყობას ითვალისწინებს. სკოლაში, მოსწავლეებთან ერთად, შემდეგი აქტივობები დაიგეგმა და გაიწერა:
- ინფორმაციის მიწოდება: ევროკავშირის რაობა;
- გამოფენის მოწყობა: „ევროპა ჩემს სკოლაში";
- დროშების მოხატვა;
- ვიქტორინა: რა? სად? როდის?;
- ფლეშმობი მოსწავლეთა ჩართულობით;
- ევროპის ️კუთხის გახსნა/პრეზენტაცია.
პროექტი ორგანიზაცია „ბილიკის“ ხელშეწყობით და სამოქალაქო განათლების პროგრამის დაფინანსებით ხორციელდება.
პროექტის ფარგლებში, სკოლას 300 ლარის ღირებულების შემდეგი რესურსები გადაეცა - მოლბერტები, სახატავი გუაშები, ფუნჯები, საკანცელარიო ნივთები, დროშები.
იხილეთ ფოტოები:
სკოლების სიახლეები
