ვაჟა-ფშაველას სახელობის ქალაქ რუსთავის N23 საჯარო სკოლაში, ბავშვები დაწყებითი კლასებიდანვე სწავლობენ წიგნის სიყვარულს და იაზრებენ ბიბლიოთეკის მნიშვნელობას.
„შეუძლებელია, ყველა წიგნი სახლში გქონდეს. ბიბლიოთეკაში კი - აირჩიე რაც გინდა. სწავლობ არჩევანის გაკეთებას, რომელი წიგნი მოგწონს. დღეს შეიძლება ცხოველები გიტაცებს ხვალ კი, კოსმოსით დაინტერესდე. ბიბლიოთეკაში ამ თემების ირგვლივ უფრო ბევრ წიგნს ნახავ“,- აღნიშნავენ სკოლაში და მოსწავლეთა მორიგი საინტერესო ღონისძიების შესახებ გვიყვებიან.
პროექტი-გაკვეთილი - „მე მკითხველი ვარ“, სკოლის მე-4გ კლასის მოსწავლეებმა დამრიგებლის, ლელა მიქაძის ხელმძღვანელობით, სწორედ ბიბლიოთეკაში ჩაატარეს.
მოსწავლეებმა შექმნეს წიგნის მოდელი. გააკეთეს მოძიებული, დასურათებული ინფორციის გამოფენა. ბიბლიოთეკას საჩუქრად გადასცეს წიგნი.
იხილეთ ფოტოები:
