გიორგი ჭყონდიდელის სახელობის ქალაქ ფოთის N7 საჯარო სკოლაში მოსწავლეთა მოტივაციისა და განწყობის ამაღლებაზე ორიენტირებული გარემოა შექმნილი. ამას ადასტურებს ისიც, რომ პედაგოგები მოსწავლეებს საინტერესო და მრავალფეროვან გაკვეთილებს სთავაზობენ.
ამჯერად, მასწავლებელმა - ლელა დანელიამ პირველკლასელებს ანბანის სწავლა დღესასწაულად უქცია. მან, ბავშვებს შთამბეჭდავი აქტივობები შესთავაზა, რომლებშიც ისინი დიდი მონდომებითა და ხალისით ჩაერთნენ.
„ანბანეთში შეაბიჯეს ჩვენმა პირველკლასელებმა ზღაპრის გმირების - წითელქუდასა და ბურატინოს მეგზურობით.
შთამბეჭდავი იყო აქტივობები, რომელიც პედაგოგმა - ლელა დანელიამ განახორციელა საზეიმო გაკვეთილზე იმისთვის, რომ დედა ენისა და ქართული ანბანის ეშხი გაეცნობიერებინათ პატარებს“, - აღნიშნავენ სკოლაში.
ეს დღე მოსწავლეთათვის ძალიან საინტერესო, დასამახსოვრებელი და სახალისო აღმოჩნდა.
სასკოლო საზოგადოება სასწავლო პროცესში მოსწავლეთა ჩართულობაზე აქტიურად ზრუნავს.
იხილეთ ფოტოები:
