ხარაგაულის მუნიციპალიტეტის სოფელ ვახანის საჯარო სკოლის წარჩინებული მოსწავლეები პროგრამის - „ჩემი პირველი კომპიუტერი“ ფარგლებში, დაჯილდოვდნენ.
მოსწავლეებს: დათო ფერაძეს, მარიამ არევაძესა და საბა ღონღაძეს საბაზო საფეხურის წარჩინებით დასრულებისთვის პორტაბელური კომპიუტერები გადაეცათ.
სკოლის დირექცია და პედაგოგები მოსწავლეთა მიღწევით ამაყობენ, მათ წარმატებებს უსურვებენ.
„გილოცავთ, ჩვენო მოსწავლეებო, წარმატების პირველ ნაბიჯებს. გვჯერა და გვწამს, წინ უამრავი წარმატება გელოდებათ. მადლობა თქვენ მონდომებისთვის, მადლობა თქვენს მშობლებს მხარდაჭერისათვის და მადლობა თითოეულ პედაგოგს გაწეული ღვაწლისათვის“, - ამბობენ სკოლაში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
