საატესტატო გამოცდები - საკითხი, რომელიც მუდმივად არის განხილვის საგანი, პედაგოგები თუ სკოლის ხელმძღვანელები, აქტიურად საუბრობენ მის დადებით თუ უარყოფით ფაქტორებზე, თუმცა მაინც - უნდა დაბრუნდეს თუ არა სკოლებში საატესტატო გამოცდები?
დღეს, კითხვას ამბროლაურის მუნიციპალიტეტის სოფელ პატარა ონის საჯარო სკოლის დირექტორი გია რამინაშვილი პასუხობს და ამ გამოცდების დაბრუნებას აუცილებლად მიიჩნევს:
„მე, როგოც ფიზიკოსი, მომხრე ვარ, რომ საატესტატო გამოცდები დაბრუნდეს სკოლებში. როცა ეს გამოცდები გაუქმდა ბავშვებმაც აიღეს ხელი სწავლაზე და მასწავლებლებმაც სწავლებაზე, როცა გამოცდები სულ დაძაბულები, მობილიზებულები იყვნენ, რომ შედეგზე გასულიყვნენ.
მართალია, ბავშვებს სტრესი ნამდვილად მოეხსნათ, მაგრამ ფიზიკა, მათემატიკა და საბუნებისმეტყველო საგნები არის ტექნიკური, რომელიც ბავშვმა აუცილებლად უნდა ისწავლოს - როცა გამოცდა იქნება, მასწავლებელიც და მოსწავლეც მეტად კონცენტრირებული იქნება“.
