ხელვაჩაურის მუნიციპალიტეტის სოფელ განთიადის საჯარო სკოლაში, სადაც მოსწავლეთა წიგნიერების დონის ამაღლებას მნიშვნელოვანი ყურადღება ექცევა, სასკოლო ბიბლიოთეკების საერთაშორისო დღე აღინიშნა.
მსოფლიო დღესთან დაკავშირებით, მე-6 კლასის მოსწავლეები ბიბლიოთეკას ესტუმრნენ და გამართეს პრეზენტაცია თემაზე - „წიგნი თვალწინ გვიშლის მთელს სამყაროს“.
თითოეულ გუნდს მომზადებული ჰქონდა სხვადასხვა დავალება: პირველმა გუნდმა წარმოადგინა გამონათქვამები წიგნებსა და ბიბლიოთეკაზე, მეორე და მესამე გუნდმა კი - მსოფლიოში არსებულ უდიდეს და უძველეს ბიბლიოთეკებზე ისაუბრეს.
სკოლის ბიბლიოთეკარი ბავშვებს წიგნების მნიშვნელობაზე ესაუბრა.
როგოგორც სკოლაში გვეუბნებიან, მსგავსი შეხვედრები სამომავლოდაც გაგრძელდება, პრეზენტაციას ქართული ენისა და ლიტერატურის მასწავლებელი - ხათუნა ჭყოიძე ხელმძღვანელობდა.
იხილეთ ფოტოები:
