ეფრემოვკის საჯარო სკოლაში ილია ჭავჭავაძის დაბადების დღეს საგანმანათლებლო აქტივობა მიეძღვნა
04-11-2024
ნინოწმინდის მუნიციპალიტეტის სოფელ ეფრემოვკის საჯარო სკოლაში სასწავლო პროცესი აქტიურად მიმდინარეობს. სკოლაში, პედაგოგთა ხელმძღვანელობითა და მოსწავლეთა აქტიური ჩართულობით, საინტერესო ღონისძიებები იმართება.
4 ნოემბერს, სკოლაში, ილია ჭავჭავაძის დაბადების დღესთან დაკავშირებით საინტერესო აქტივობა სახელწოდებით - „ილიას მკვლელობა“ ჩატარდა.
მოსწავლეებმა ნახეს თემატური ფილმი, შემდგომ კი კლასში გააჟღერეს თავიანთი მოსაზრებები. ასევე კლასში აღნიშნულ ფილმთან დაკავშირებით დისკუსია გაიმართა, ბოლოს კი ბავშვებმა ნანახი შეაჯამეს.
მოსწავლეებისთვის აქტივობა ნაყოფიერი და ძალიან საინტერესო იყო.
აღსანიშნავია, რომ მსგავსი აქტივობები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
სკოლების სიახლეები
