წალკის მუნიციპალიტეტის სოფელ ხაჩკოვის საჯარო სკოლაში სასწავლო პროცესი საინტერესო ინიციატივებითაა გაჯერებული, რომლებშიც მოსწავლეები დიდი ინტერესით ერთვებიან. 

ამჯერად, სკოლაში განხორციელდა პროექტი - „მოიარე საქართველო ჩვენთან ერთად“. 

პროექტის ფარგლებში, საინტერესო აქტივობები ჩატარდა, 20 ოქტომბერს  IX, X, XII კლასების მოსწავლეების მონაწილეობით გაიმართა სასწავლო-შემეცნებითი ექსკურსია სტეფანწმინდის მუნიციპალიტეტში.

31 ოქტომბერს კი მოეწყო საინტერესო პრეზენტაციების წარდგენა, სადაც მოსწავლეებმა პროექტის მიზნებზე, იდეასა და აქტივობებზე ისაუბრეს. 

აღსანიშნავია, რომ პროექტში მოსწავლეები ხალისით მონაწილეობდნენ, მათ არაერთი საინტერესო და მათთვის უცნობი ინფორმაცია მოისმინეს და სასწავლო პროცესში დიდი ინტერესით ჩაერთნენ. 

იხილეთ ფოტოები: