ილია ქვარცხავას სახელობის ხობის მუნიციპალიტეტის სოფელ გაღმა საჯიჯაოს საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. პედაგოგთა ხელმძღვანელობით, მოსწავლეები სხვადასხვა აქტივობასა და ღონისძიებაში დიდი მონდომებით ერთვებიან.
ამჯერად, მოსწავლეებმა ავსტრალიაში ბინადარი ცხოველების შესახებ საინტერესო და ძალიან ლამაზი ინგლისურენოვანი პოსტერი შექმნეს. მათ პედაგოგი თეონა ზუხბაია ხელმძღვანელობდა.
აქტივობაში ისინი დიდი მონდომებითა და ხალისით იყვნენ ჩართულნი.
„როცა კლასის დასაკეტად შევედი და იქ ასეთი სილამაზე დამხვდა.
მინდა მადლობა გადავუხადო ჩვენს ნიჭიერ მოსწავლეებს ასეთი შთამბეჭდავი ნამუშევრისთვის და მასწავლებელს - ასეთი საინტერესო დავალების მოფიქრებისთვის. სწორედ ასეთი კრეატიული პროექტები აღვივებს ბავშვებში სწავლის სიყვარულს და ცოდნის მიღების სურვილს! “, - აღნიშნავენ სკოლაში.
სასკოლო საზოგადოება მოსწავლეთა მოტივაციის ამაღლებაზე აქტიურად ზრუნავს.
