„იგავში გაცხადებული სიმართლე“ - საინტერესო ღონისძიება ზემო ხანდაკის საჯარო სკოლაში
06-11-2024
პოლკოვნიკ ტარიელ შარიფაშვილის სახელობის კასპის მუნიციპალიტეტის სოფელ ზემო ხანდაკის საჯარო სკოლაში სასწავლო პროცესი აქტიურად და საინტერესოდ მიმდინარეობს. სკოლაში, პედაგოგთა ხელმძღვანელობითა და მოსწავლეთა ჩართულობით, არაერთი აქტივობა იმართება.
ამჯერად, სკოლაში, მე-7 კლასის მოსწავლეთა მონაწილეობით ქართული ენის გაკვეთილზე საინტერესო ღონისძიება ჩატარდა.
ღონისძიება სახელწოდებით - „იგავში გაცხადებული სიმართლე“ სულხან-საბა ორბელიანის შემოქმედებიდან გაიმართა და მას პედაგოგი მ. ბარნაბიშვილი ხელმძღვანელობდა.
აღნიშნულ დღეს, ასევე, მოეწყო პრეზენტაცია, სადაც მოსწავლეებმა გამოკვეთეს თითოეული იგავ-არაკის მორალი და შინაარსი.
ღონისძიება ძალიან საინტერესო და დასამახსოვრებელი იყო თითოეული მოსწავლისთვის.
იხილეთ ფოტოები:
სკოლების სიახლეები
