კერძო სკოლა „ჰელიოსის“ პროფესიონალი პედაგოგების ხელმძღვანელობით, მოსწავლები ცოდნას არა მხოლოდ თეორიულად იძენენ, არამედ საგანს საინტერესო აქტივობებითა თუ პროექტებით სწავლობენ, ასეთი მიდგომებით კი, მოსწავლეები მუდმივად, დიდი შემართებით არიან ჩართულნი სასწავლო პროცესში. 

ამჯერად, მე-7 კლასის მოსწავლეებმა შეისწავლეს პრეისტორიული სახვითი ხელოვნების სხვადასხვა სტილი, საიდანაც განსაკუთრებულად გამოარჩიეს ქვაზე კაწვრის ხელოვნება და პედაგოგთან ერთად იმუშავეს პროექტზე - „თანამედროვე პეტროგლიფები“. 

როგორც სკოლაში გვიყვებიან, ეს მცირე ქვის ხანის შემოქმედების იმიტაცია გულისხმობდა მოსწავლეების, როგორც ამ ეპოქის უტყვ მემატიანის როლში წარმოდგენას და ქვაზე ამოკაწრული განცდების გაზიარებას.

მოსწავლეებმა შექმნეს საოცარი ნამუშევრები და ამ გზით იმოგზაურეს იმ პირველყოფილი ადამიანების სამყაროში ვისთვისაც ერთადერთი საკომუნიკაციო ენა სწორედ ხელოვნება იყო.