„შემოდგომის სიმფონია“ - ოზურგეთის N2 სკოლის მე-3 კლასის მოსწავლეებს არაფორმალურ გარემოში შთამბეჭდავი გაკვეთილი ჩაუტარდათ
07-11-2024
ნოდარ დუმბაძის სახელობის ქალაქ ოზურგეთის N2 საჯარო სკოლაში სასწავლო პროცესი სხვადასხვა საინტერესო აქტივობითაა დატვირთული.
ამჯერად, მე-34 კლასის მოსწავლეები სასკოლო სასწავლო პროექტის - „გაკვეთილი სხვა გარემოში და სხვა სივრცეში“ ფარგლებში, ახლომდებარე პარკში იმყოფებოდნენ.
აქტივობა ქართული ენაში ჩატარდა და მოსწავლეებს მასწავლებელი ნინო თალაკვაძე ხელმძღვანელობდა. მათი თემა პოეზიის ხელნაკეთი წიგნი - „შემოდგომის სიმფონია“ გახლდათ. ბავშვებმა პარკში მათი მომზადებული ხელნაკეთი წიგნების პრეზენტაცია გამართეს. გარდა ამისა, მათ ლექსები და ჩანახატები წაიკითხეს, ასევე იმღერეს და იცეკვეს.
ბოლოს კი, პიკნიკიც მოეწყო. ეს დღე მოსწავლეებისთვის დასამახსოვრებელი და შთამბეჭდავი იყო.
იხილეთ ვიდეო:
სკოლების სიახლეები
