ოზურგეთის N1 საჯარო სკოლის მოსწავლეები გამორჩეულად საინტერესო აქტივობებით არიან განებივრებულები.
ამჯერად, IIა კლასის მოსწავლეებს არაფორმალურ სივრცეში საგნების - ბუნების, ხელოვნებისა და მუსიკის ინტეგრირებული გაკვეთილი ჩაუტარდათ. მისი თემა შემოდგომის ფოთლები გახლდათ.
მათ პედაგოგების - ნათია ჯულაყიძის, ნანა ჯინჭარაძისა და ნინო ლომჯარიას ხელმძღვანელობით, მუსიკალური პარკი, დენდროლოგიური პარკი, ბათუმის ციფრული სივრცე მონახულეს.
გაკვეთილის მიზანი იყო მოსწავლეების შემოქმედებითი უნარების განვითარება, ბუნების სიყვარულის გაღვივება და შემოდგომის სურნელის შეგრძნობა. აქტივობები მშობელთა ჩართულობითა და თანადგომით წარიმართა, რითვისაც მათ მადლობას უხდიან.
აღსანიშნავია, რომ ბათუმის ციფრულ სივრცეში სტუმრობის თემა წყალქვეშა სამყარო გახლდათ. მოსწავლეებმა კი, ფილმი - „ხმელი წიფელი“ ნახეს.
იხილეთ ფოტოები:
