ქუთაისის N41 ფიზიკა - მათემატიკის საჯარო სკოლის II კლასის მოსწავლე ალექსანდრე ცხოვრებაძე ჭადრაკში საქართველოს ჩემპიონი გახდა
08-11-2024
ანდრია რაზმაძის სახელობის ქალაქ ქუთაისის N41 ფიზიკა - მათემატიკის საჯარო სკოლის მოსწავლეები სასკოლო საზოგადოებას მიღწევებით ხშირად ახარებენ.
ამჯერად, დიდ წარმატებას პედაგოგ მარიკა ყურაშვილის სადამრიგებლო - IIბ კლასის მოსწავლე ალექსანდრე ცხოვრებაძემ მიაღწია. მან საქართველოს ჩემპიონატზე, 7 წლამდე ასაკის ნორჩ მოჭადრაკეებს შორის, პირველი ადგილი დაიკავა და საქართველოს ჩემპიონის ტიტული მოიპოვა.
სკოლაში მისი წარმატებით ამაყობენ და მომავალშიც წინსვლას უსურვებენ.
„ვულოცავთ ალექსანდრეს ამ წარმატებას და შემდგომ გამარჯვებებს ვუსურვებთ“,- ასეთია სასკოლო საზოგადოების სურვილები.
იხილეთ ფოტოები:
სკოლების სიახლეები
