ფრიდონ მახარაძის სახელობის შუახევის მუნიციპალიტეტის სოფელ მახალაკიძეების საჯარო სკოლაში სასწავლო პროცესი საინტერესო ინიციატივებითაა გაჯერებული, რომლებშიც მოსწავლეები დიდი ინტერესით ერთვებიან. 

6 ნოემბერს კი, სკოლაში კალიგრაფიის კონკურსი ჩატარდა, რომელშიც 12 მოსწავლე მონაწილეობდა. 

თითოეული მოსწავლე დიდი შემართებით ჩაერთო კონკურსში,  შესაძლებლობები საინტერესოდ წარმოაჩინა და სასკოლო საზოგადოებას მრავალფეროვანი ნამუშევარი შესთავაზა. 

1-ელ, მე-2 და მე-3 ადგილზე გასულ მოსწავლეებს გადაეცათ სიგელები. პირველი ადგილის მფლობელი, მალვინა ბერიძე კი სიმბოლური საჩუქრით დაჯილდოვდა.

აღსანიშნავია, რომ კონკურსს ხელმძღვანელობდა ქართული ენისა და ლიტერატურის მასწავლებელი ნონა ფუტკარაძე.

იხილეთ ფოტოები: