თბილისის N36 საჯარო სკოლის დაწყებითი კლასების მოსწავლეებმა იაკობ გოგებაშვილის ცხოვრებასა და შემოქმედებას ხოტბა შეასხეს
11-11-2024
თბილისის N36 საჯარო სკოლაში დიდი ყურადღება ექცევა, რომ მოსწავლეებმა საქართველოს ისტორიაში გამორჩეული ადამიანების შესახებ ცოდნა გაიღრმაონ.
ამ მიზნით, სკოლაში სხვადასხვა ღონისძიება ეწყობა, ამჯერად კი, იაკობ გოგებაშვილის დაბადების დღესთან დაკავშირებით, თემატური აქტივობები პირველი და მესამე კლასის მოსწავლეების მონაწილეობით გაიმართა.
მოსწავლეებმა დიდი მოღვაწის ბიოგრაფია გაიხსენეს, ასევე, დაამზადეს ხელნაკეთი წიგნები და სამადლობელი მისალოცი ბარათები. ისინი აქტივობაში პედაგოგ თამუნა ჩაჩუას ხელმღვანელობით ჩაერთნენ.
„ფანჯრად იქცა „დედაენა“ ყველა ქართველის სახლში. კონკრეტულმა აქტივობამ ხელი შეუწყო მოსწავლეებში მრავალი უნარ-ჩვევის გამომუშავებას: შემოქმედებითი თუ კრეატიული აზროვნება, პრეზენტაციის უნარი და სხვა“,- წერს მასწავლებელი.
იხილეთ ვიდეოები:
სკოლების სიახლეები
