ახმეტის მუნიციპალიტეტის სოფელ ხორხელის საჯარო სკოლაში სასწავლო პროცესი შემეცნებითი ინიციატივებითაა გაჯერებული, რომლებშიც მოსწავლეები დიდი ინტერესით ერთვებიან. 

ამჯერად, სკოლაში გაიმართა ლექცია-სემინარი, რომელიც ილია ჭავჭავაძის ცხოვრებასა და მოღვაწეობას ეძღვნებოდა.

შეხვედრა ილია ჭავჭავაძის დაბადების დღესთან დაკავშირებით, ქართული ენისა და ლიტერატურის  მასწავლებელმა - ოლია მათიკოშვილმა გამართა. 

მოსწავლეები კიდევ ერთხელ გაეცნენ დიდი საზოგადო მოღვაწის ბიოგრაფიას, ისაუბრეს მის ფასდაუდებელ ღვაწლზე ერის წინაშე და იმ შემოქმედებაზე, რომელზეც კიდევ არაერთი თაობა აღიზრდება. 

იხილეთ ფოტოები: