პირველკლასელთა ზღაპრული „მოგონებების კედელი“ თბილისის N36 საჯარო სკოლაში
13-11-2024
თბილისის N36 საჯარო სკოლის პედაგოგები მოსწავლეთა განწყობისა და მოტივაციის ამაღლებაზე აქტიურად ზრუნავენ. ამას ადასტურებს ის აქტივობები და ღონისძიებები, რომლებსაც ისინი ბავშვებს სთავაზობენ.
ამჯერად, I გ კლასის დამრიგებელმა - ნინი დალაქიშვილმა მოსწავლეებთან საინტერესო და დასამახსოვრებელი აქტივობა ჩაატარა.
მათ კლასში ფოტოების კუთხე - „მოგონებების კედელი“ მოაწყვეს, სადაც აღბეჭდილი იყო ის აქტივობები, რომლებიც განახორციელეს.
„ჩვენ ერთად ვქმნით მოგონებებს, პირველი კლასიდან მე-12 კლასამდე კიდევ ბევრ ლამაზ კადრს შემოვინახავთ, რასაც აუცილებლად აღვბეჭდავთ ჩვენს კედელზე“, - აღნიშნავს პედაგოგი ნინი დალაქიშვილი.
მსგავსი აქტივობები სასწავლო პროცესში მოსწავლეთა ჩართულობის გაზრდას ხელს უწყობს.
იხილეთ ფოტო-ვიდეომასალა:
სკოლების სიახლეები
