ხულოს მუნიციპალიტეტის სოფელ კორტოხის საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული, რომლებშიც მოსწავლეები დიდი მონდომებით ერთვებიან.
ამჯერად, სკოლაში, მინი ფეხბურთში, მასწავლებლის ეროვნული დღისადმი მიძღვნილი ტურნირი ჩატარდა.
მინი ფეხბურთი 2012-2013-2014 წლებში დაბადებულ მოსწავლეთა შორის გაიმართა, რომელშიც მონაწილეობდა მუნიციპალიტეტის ზოგადსაგანმანათლებლო დაწესებულებები.
კორტოხის საჯარო სკოლის დირექცია და პედაგოგიური კოლექტივი ულოცავს სკოლის აღსაზრდელებს ღირსეულ მეორე ადგილს და უსურვებს მომავალში წარმატებებს. განსაკუთრებულ მადლობას კი სკოლის სპორტის პედაგოგს - ანზორ(ჯაბა) პაქსაძეს უხდის.
აღსანიშნავია, რომ სკოლაში სპორტის პოპულარიზაციასა და ჯანსაღი ცხოვრების წესის დამკვიდრებას მნიშვნელოვანი ყურადღება ექცევა.
იხილეთ ვიდეო:
